बॉलिवूड अभिनेता राजकुमार रावने 'स्त्री 2'मधूनसगळ्यांची मनं जिंकली. आता राजकुमार राव त्याच्या पुढच्या चित्रपटातुन प्रेक्षकांच्या भेटीला येण्यासाठी सज्ज झाला आहे. तृप्ती डीमरीसोबतचा त्याचा 'विकी विद्या का वो वाला व्हिडिओ' हा चित्रपट लवकरच मोठ्या पडद्यावर येणार आहे. याआधी या चित्रपटाचा ट्रेलर रिलीज झाला असून त्यामुळे लोकांची उत्कंठा वाढली आहे. 'विकी विद्या का वो वाला व्हिडिओ'चा ट्रेलर पाहून प्रेक्षकांना रोमान्स, ड्रामा आणि कॉमेडीचा पुरेपूर डोस मिळणार असल्याचं दिसतंय. या ट्रेलरने सोशल मीडियावर धुमाकूळ घातला आहे.
'विकी विद्या का वो वाला व्हिडिओ'चा ट्रेलर राजकुमार राव (विकी) आणि तृप्ती डिमरी (विद्या) यांच्या लग्नाच्या फोटोशूटने सुरू होतो. यानंतर त्यांच्या लग्नाच्या रात्रीचा सीन दाखवण्यात आला आहे ज्यामध्ये विकी विद्याला सांगतो की ते हॉलिवूडच्या कपल्सप्रमाणे त्यांच्या लग्नाच्या रात्रीचा व्हिडिओ बनवतील. नंतर या व्हिडिओची सीडी चोरीला जाते आणि इथूनच खऱ्या कथेची सुरुवात होते.
या चित्रपटातून राजकुमार राव आणि तृप्ती डिमरी पहिल्यांदाच एकत्र पडद्यावर झळकणार आहेत. अभिनेत्री मल्लिका शेरावतही 'विकी विद्या का वो वाला व्हिडिओ'मधून जोरदार पुनरागमन करत आहे. या चित्रपटात तिची खास भूमिका आहे. विजय राज या चित्रपटात पोलिसाच्या भूमिकेत दिसला आहे. ट्रेलरमध्ये शहनाज गिलची झलकही पाहायला मिळतेय.
राज शांडिल्य दिग्दर्शित 'विकी विद्या का वो वाला व्हिडिओ' हा चित्रपट टी-सीरीजच्या बॅनरखाली बनवण्यात आला आहे. हा चित्रपट ९० च्या दशकातील कथेवर आधारित आहे. राजकुमार राव आणि तृप्ती डिमरी अभिनीत हा कॉमेडी-ड्रामा 11 ऑक्टोबर 2024 रोजी थिएटरमध्ये प्रदर्शित होणार आहे. बॉक्स ऑफिसवर 'विकी विद्या का वो वाला व्हिडिओ'चा सामना आलिया भट्ट आणि वेदांग रैना स्टारर 'जिगरा' या चित्रपटाशी होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
