Vicky- Katrina: कतरीना कैफ -विकी कौशल यांच्या लग्नात फोन आणायला का होती बंदी; भाऊ सनी कौशलने सांगितलं कारण

Sunny Kausal On Vicky And Katrina Marriage: लोकप्रिय अभिनेत्री कतरिना कैफ आणि विकी कौशल ९ डिसेंबर २०२१ रोजी विवाहबंधनात अडकले. त्यांनी राजस्थान येथील एका हॉटेलमध्ये थाटामाटात लग्नगाठ बांधली. त्यांच्या लग्नात त्यांचे जवळचे नातेवाईक आणि मित्रपरिवार यांना आमंत्रण देण्यात आलं होतं. मात्र या लग्नात येणाऱ्या पाहुण्यांना मोबाइल फोन आणण्यास बंदी करण्यात आली होती. आता विकीचा भाऊ सनी कौशल याने एका मुलाखतीत त्यामागचं कारण सांगितलं आहे. त्यांचं लग्न आता पुन्हा एकदा चर्चेत आहे.

सनीने नुकतीच एक मुलाखत दिली. या मुलाखतीत बोलताना सनी म्हणाला, 'हा फक्त सुरक्षेचा आणि प्रायव्हसीचा प्रश्न नव्हता. तर तिथे उपस्थित असलेल्या सगळ्यांचा आनंद सगळ्यत जास्त महत्वाचा होता. तिथे असलेले सगळे त्या क्षणाचा आनंद घेत होते. त्यामुळे कोणालाही फोनची गरज पडली नाही. कुणाही फोन हातात घेतला नाही. व्हिडिओ काढले नाहीत. शेअर करण्याची घाई नाही. सगळे मनाने त्या लग्नाचा आनंद घेत होते.'

तो पुढे म्हणाला, 'माझे मित्र, नातेवाईक आणि कतरिनाचे नातेवाईक या सगळ्यांमध्ये घट्ट नाते तयार झाले आहे. आम्ही सगळ्यांनी एकमेकांबरोबर खूप मजा केली. एकमेकांबरोबर वेळ घालवताना तीन दिवस कसे गेले, याची जाणीवदेखील झाली नाही. इतरांपासून काहीतरी लपवण्याची किंवा काहीतरी दाखवण्याचे कोणतेही दडपण नव्हते. कोणत्याही दडपणाखाली लग्न होत नाही. फोन असल्याने किंवा कुणीतरी आपला व्हिडिओ काढतंय या भीतीखाली त्यांचं लग्नही व्यवस्थित झालं नसतं. वर वधू दोघेही सतत दडपणाखाली असते. त्यामुळे फोन आणण्यावर बंदी घातली होती.'

विकी-कतरिनाच्या कामाबद्दल बोलायचे झाल्यास, विकी लवकरच संजय लीला भन्साळी दिग्दर्शित ‘लव्ह अँड वॉर’ चित्रपटात अभिनय करताना दिसणार आहे. कतरिना ‘टायगर व्हर्सेस पठाण’ चित्रपटात आपल्या अभिनयाची झलक दाखवताना दिसणार आहे. तर सनी कौशल हा लवकरच ‘फिर आयी हसीन दिसरुबा’ या चित्रपटातून प्रेक्षकांच्या भेटीला येणार आहे.