बॉलिवूड अभिनेत्री विद्या बालन सध्या तिच्या 'भूल भुलैया ३' या चित्रपटामुळे चर्चेत आहे. या चित्रपटासाठी विद्याने बरंच वजन कमी केलंय. 'भूल भुलैया' मध्ये दिसणारी विद्या पुन्हा एकदा प्रेक्षकांच्या भेटीला आली. तिच्या या जबरदस्त ट्रान्सफॉर्मेशनने सगळेच चकीत झाले. विद्याने नक्की कोणतं डाएट फॉलो केलं हे जाणून घेण्यासाठी चाहतेही उत्सुक आहेत. वाढलेल्या वजनामुळे विद्याला ट्रोल करणारे नेटकरी आता तिचं कौतुक करत आहेत. आता तिने इंडिया टुडेला दिलेल्या मुलाखतीत तिचा बारीक होण्याचा अनुभव शेअर केला आहे.
