सबस्क्राईब करा
मराठी बिग बॉसची चर्चा फक्त मराठी वाहिनीवरच नाही तर हिंदी वाहिन्यांवर देखील आहे. या कार्यक्रमाने सगळ्यांना वेड लावलंय. घरात दररोज नवीन काहीतरी घडतंय. अरबाज पटेल हा या आठवड्याचा कॅप्टन ठरला आहे. तर वर्षा ताईंनी यावेळेस टीम बीची साथ सोडली आहे. आणि टीम ए मध्ये गेल्या आहेत. अशातच आता घरात आलेल्या वाइल्ड कार्ड एंट्रीबद्दल नवीन गोष्ट समोर येते आहे. दोन आठवड्यापूर्वी घरात आलेल्या संग्राम चौगुले याला लवकरच घराबाहेर जावं लागेल असं दिसतंय. त्याचं कारण म्हणजे त्याच्या हाताला झालेली गंभीर दुखापत.
संग्राम आल्यावर घरातला खेळ बदलेल असं वाटत होतं. मात्र तसं काहीही घडलेलं नाहीये. उलट त्याचा खेळ वीक आहे असं सगळ्यांचं म्हणणं आहे. प्रेक्षक त्याच्यावर आधीच नाराज आहेत. अशातच नुकत्याच झालेल्या एका टास्कदरम्यान संग्रामच्या हाताला दुखापत झाली आहे. अरबाजसोबत केलेली कुस्ती त्याला चांगलीच महागात पडली आहे. त्यामुळे संग्रामला सध्या कोणताच टास्क खेळण्याची परवानगी नाही. आता संग्रामला दुखापत झाल्याने त्याला वैद्यकीय कारणास्तव घराबाहेरही पडावे लागण्याची शक्यता असल्याचं म्हटलं जातंय. बिग बॉस लवकरच संग्रामला याबाबत निर्णय कळवणार आहेत.
संग्रामला अंड घरट्यात ठेवण्याच्या टास्कमध्ये डाव्या हाताला दुखापत झाली. डॉक्टरांच्या सल्ल्यानुसार संग्रामच्या काही वैद्यकीय चाचण्याही करण्यात आल्या आहेत. त्या चाचण्यांचे रिपोर्ट्स येईपर्यंत संग्रामला डाव्या हाताला जास्त ताण न देण्याचा सल्ला देण्यात आला होता. त्यानंतर पुन्हा एकदा बिग बॉसने त्याला बोलावून त्याच्या हाताची स्थिती सांगितली. त्यामुळे संग्रामला कॅप्टन्सीच्या टास्कमध्येही सहभाग घेता आला नाही.
संग्रामच्या ज्या चाचण्या करण्यात आल्या त्यामध्ये त्याला फ्रॅक्चर झाल्याचं आढळून आलं. यावर नक्की काय उपचार करावेत याविषयी सध्या डॉक्टरांची चर्चा सुरु असल्याचीही माहिती त्यांनी दिली. त्यामुळे ही दुखापत जास्त असेल तर त्याला घराबाहेर जावं लागू शकतं. यापूर्वीच्या सीझनमध्ये अभिनेत्री तेजस्विनी लोणारी हिच्या हाताच्या दुखापतीमुळे तिला बाहेर जावं लागलं होतं. आता पुन्हा तसं काही नक्कीच घडू शकतं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
