ते येतायत! झी मराठीवर येतेय नवी मालिका, तुम्ही ओळखलंत का या जोडीला? नेटकऱ्यांनी सांगितलं मालिकेचं नाव

Zee Marathi Upcoming Serial : छोट्या पडद्यावर सध्या अनेक नवीन मालिका प्रेक्षकांच्या भेटीला येत आहेत. नवनवीन विषय आणि नवीन - जुने कलाकार अशी सरमिसळ असलेल्या या मालिका प्रेक्षकांचं मनोरंजन करण्यास सज्ज आहे. गेल्या काही महिन्यात कलर्स मराठी आणि स्टार प्रवाहवर नवीन मालिकांची रंग लागली. कलर्सने अगदी आपला चेहरा मोहरच बदलला. मात्र त्याचा म्हणावा तसा फायदा वहिनीला होताना दिसत नाहीये. तर दुसरीकडे झी मराठीने पुन्हा एकदा आपलं टीआरपी यादीमधलं दुसरं स्थान पुन्हा मिळवलं. आता हे स्थान कायम ठेवण्यासाठी झी मराठीने कंबर कसली आहे. झीवर आता एक नवीकोरी मालिका प्रेक्षकांच्या भेटीला येणार आहे. त्याचा एक व्हिडिओ चाहत्यांमध्ये व्हायरल झाला आहे. यात दिसणारे कलाकारही प्रेक्षकांनी ओळखले आहेत.

झी मराठीवर नवीन मालिका प्रेक्षकांच्या भेटीला येत आहे. या मालिकेचा प्रोमो अजून आला नसला तरी मालिकेतील कलाकारांची झलक दाखवणारा एक व्हिडिओ सध्या सोशल मीडियावर व्हायरल होतोय. यात पती पत्नी एका स्कुटरवरून जाताना दिसत आहेत. पतीने आपल्या पत्नीच्या खांद्यावर हात ठेवला आहे. तर जुन्या स्कुटरवरून ते दोघे जाताना दिसत आहेत. या व्हिडिओवरून अनेक नेटकऱ्यांनी त्यांच्या या कलाकारांना ओळखलं आहे. हे कलाकार आहेत तुषार दळवी आणि हर्षदा खानविलकर. तुषार आणि हर्षदा यांची एक नवी मालिका प्रेक्षकांच्या भेटीला येत आहे. या मालिकेचं नाव आहे 'लक्ष्मी निवास'. लवकरच झी मराठीवर एक नवी मालिका प्रेक्षकांच्या भेटीला येणार आहे. यात हे दोघे मुख्य भूमिकेत दिसणार आहेत.

अजून तरी या मालिकेबद्दल अधिक माहिती समोर आली नसली तरी ही मालिका कधीपासून सुरू होणार याकडे सगळ्यांचं लक्ष लागलं आहे. तर दुसरीकडे कलर्सवरही काही नव्या मालिका प्रदर्शित होणार आहेत.