Manoj Jarange Patil: गरिबांसाठी लढतोय म्हणून मला घेरले जात आहे; जरांगे पाटलांचा आरोप

Cha.Sambhajinagar: ‘‘ज्या घटनेला १३ ते १४ वर्षे झाली, त्या घटनेत आता माझ्यावरच कारवाई का? मी गरिबांसाठी लढतोय म्हणून मला घेरले’’, असा आरोप मनोज जरांगे यांनी आज केला. पुणे सत्र न्यायालयाने काढलेल्या अटक वॉरंटसंदर्भात ते बोलत होते.

जरांगे यांनी उपोषण स्थगित केले असून सध्या त्यांच्यावर येथील एका रुग्णालयात उपचार सुरू आहेत. दरम्यान, पत्रकार परिषदेत ते म्हणाले, ‘‘मी पुण्यात जाऊन जामीन घेतला. परंतु, आता नोटीस न पाठवता थेट अटक वॉरंट आले.

हे सर्व मला बदनाम करण्यासाठी चालले आहे. उपमुख्यमंत्री फडणवीस यांना हे शोभत नाही. सरकारवर विश्वास नाही, असा शब्द मी वापरणार नाही आणि नवीन मुदत सरकारने मागितली होती, म्हणून १३ ऑगस्टपर्यंत वेळ दिला.’’