Navratri 2024 : एक-दोन नव्हे तर पुण्यात आहेत देवीची इतकी मंदिरे, तुम्हाला माहितीयेत का?

Devi Durga Temple In Pune :

पुणे हे महाराष्ट्राचे सांस्कृतिक शहर मानले जाते. कारण, पुण्यातील ऐतिहासिक वास्तू आणि विविधतेने नटलेले शहर आहे. पुण्यात अनेक ऐतिहासिक ठिकाणे आहेत. पुण्यात काही प्राचिन मंदिरेही आहेत. तसेच, पुण्यात देवीचीही मंदिरे आहेत. पण, काही ठराविक मंदिरे सोडली तर देवीच्या या मंदिरांबद्दल फारशी माहिती नाही.

पुण्यात देवी चतु:श्रृगी, माता वैष्णोदेवीचेही मंदिर आहे. तसेच, इतरही देवीची मंदिरे आहेत. नवरात्रोत्सवाच्या काळात या मंदिरांमध्ये गर्दी होते. पुण्यातील या मंदिरात इतर जिल्ह्यातील भाविकही मोठ्या संख्येने उपस्थित असतात. (Devi Temples In Pune)

तांबडी जोगश्वरी मंदिर

तांबडी देवीच्या तांबडी जोगेश्वरीचे मंदिर पुण्यातील आप्पा बळवंत चौक येथे हे मंदिर आहे. नवरात्री या मंदिरामध्ये देवीचे वेगवेगळे रूपे पाहायला मिळतात. हे मंदिर पेशवेकालीन आहे. या देवीने तांबडी राक्षसाचा वध केला होता त्यामुळे या देवीला हे नाव पडले अशी आख्यायिका सांगितली जाते.

वैष्णो देवी मंदिर पुणे

जम्मूच्या वैष्णोदेवी मंदिराची प्रतिकृती असलेले देवीचे मंदिर पुण्यातही आहे. पुण्यात पिंपरी येथे हे वैष्णोदेवीचे मंदिर आहे. हे पुण्यातील सर्वात प्रसिद्ध दुर्गा माता मंदिरांपैकी एक आहे. जम्मूच्या वैष्णो देवी मंदिरासारखीच शांतता इथे अनुभवायला मिळते.  खास गोष्ट म्हणजे या मंदिरात गुफाही आहे. मंदिराच्या सभामंडपात प्रवेश केल्यांनंतर गाभाऱ्याकडे जाण्यासाठी एक गुफा बनवली गेली आहे.  

रोज सकाळी 6.30 वाजता आणि संध्याकाळी 7.30 वाजता त्यांची आरती होते. तर, जर तुम्ही या मंदिराला भेट दिली नसेल, तर या नवरात्रीला भेट द्या. (Navratri 2024)

 आई माता मंदिर पुणे

पुण्यातील कोंढव्यात वसलेले हे सुंदर मंदिर एका टेकडीवर वसलेले असून ते पूर्णपणे पांढऱ्या संगमरवरी बनलेले आहे. बारीक नक्षीकाम, भव्य कमान, प्रवेशद्वार आणि संगमरवरी हत्तींमुळे हे मंदिर अतिशय आकर्षक वाटते. मंदिरात प्रवेश करताच तुम्ही पायऱ्या चढून वर जाल जे तुम्हाला देवीच्या मुख्य मंदिराचे दर्शन होते.

पुण्यातील इंद्रायणी रणदिवे रोड कोंढवा येथे असलेले हे  देवीचे अतिशय सुंदर अशी संगमरवर मूर्ती आहे. मंदिरात झुंबर असलेले सुंदर कोरीव काम आहे. नवरात्रीच्या वेळी मंदिर दिव्यांनी उजळलेले असते.

भवानी माता मंदिर

पुण्यातील नवीन भवानी पेठ परिसरात असलेले, हे मंदिर 1763 मध्ये बांधले गेले होते. ज्यामुळे ते शहरातील सर्वात जुन्या ऐतिहासिक वास्तूंपैकी एक  आहे. भवानी माता मंदिर हे एक शक्तिशाली मंदिर असल्याचे स्थानिक लोक म्हणतात.

इथे तुम्ही नवरात्रीच्या दरम्यान वेगळीच भक्तीची अन् दिव्य तेजाची अनुभूती घेऊ शकता. या मंदिरात महापूजा केल्याने तुमची इच्छा पूर्ण होते,अशी मान्यता आहे. भवानी माता मंदिरातील देवीची मूर्ती ही काळ्या पाषाणाची आहे. मंगळवार आणि शुक्रवारी मंदिरात गर्दी अधिक असते. 

चतु:श्रुंगी माता मंदिर

सेनापती बापट रोडवर वसलेले, चतुश्रृंगी मंदिर हे शहरातील सर्वात मोठ्या मंदिरांपैकी एक आहे. देवीचे हे मंदिर सर्वात सुंदर मंदिरांपैकी एक आहे. हे सप्तश्रृंगी मातेचे  मंदिर निस्सिम भक्त दुर्लभशेठ पितांबरदास महाजन यांनी मराठा राजवटीत बांधले होते . चतुश्रृंगी मंदिर 90 फूट (27 मीटर) उंच आणि 125 फूट (38 मीटर) रुंद असून ते शक्ती आणि विश्वासाचे प्रतीक मानले जाते.

देवी अंबरेश्वरी (सप्तशृंगी देवी) मंदिर म्हणून देखील ओळखले जाते.  पुणे विद्यापीठ रोड जवळ, गोखलेनगर जवळ असलेल्या या मंदिरात असलेली देवी पुणे शहराची राखण करणारी ती देवता मानली जाते. लाल रंगाच्या भव्य विटांच्या मंदिरात 170 पायऱ्या आहेत.  मंदिर हिरवाईने नटलेले आहे. मंदिराजवळ एक सुंदर बागिचा आहे. हे मंदिर खरंच तुमच्या मुलांसाठी पिकनिक स्पॉट असू शकते.

शितलज माता मंदिर

लक्ष्मी रोडच्या गजबजलेल्या रस्त्यावर वसलेले हे शहरातील एक छोटेसे पण प्रमुख देवस्थान आहे. या मंदिरात देवीची सुंदर उभी मूर्ती संगमरवरी कोरलेली आहे आणि जड साड्यांमध्ये सुशोभित केलेली आहे. नवरात्रीच्या काळात , मंदिर वरपासून खालपर्यंत परी दिव्यांनी चांगले उजळलेले असते.