हिंगणा : दसऱ्याची सुटी असल्याने फिरायला गेलेल्या दिघोरीतील दोन मुलांचा मोहगाव झिल्पी तलावात बुडून मृत्यू झाला. ही घटना शनिवारी ( ता.१२) सकाळी दहा वाजताच्या सुमारास घडली. विरसेन विठोबा गजभिये (वय १५, शिवसुंदरनगर दिघोरी, नागपूर) व गौरव लीलाधर बुरडे (वय१५, रमणा मारोती, नागपूर) अशी मृतांची नावे आहेत.
दिघोरी व खरबी परिसरातील १३ ते १५ वर्षे वयोगटातील वेगवेगळ्या शाळेतील ९ मुले दसऱ्याची सुट्टी असल्याने दुचाकीने फिरायला मोहगावात गेले होते.दिघोरी व खरबी परिसरातील मित्र गौरव व विरसेनसह लव डांगे, गौरव चंचाने, नैतिक शिगंनजुने, तादिल शेख, फैय्याज अन्सारी व आणखी दोघे हे मित्र शनिवारी सकाळी दुचाकीने मोहगाव झिल्पी तलावाकडे फिरायला गेले. विरसेन व गौरवने तलावात पोहण्याची इच्छा व्यक्त करताच
दसऱ्याच्या दिवशी तलावात बुडाली दोन मुले
दोघे जण आधीच घराकडे परतले. काही वेळानंतर विरसेन व गौरव पोहण्यासाठी तलावात उतरले. इतर ५ जण नकार देऊन काठावर असलेल्या एका झाडाखाली गप्पा करीत बसले होते. तलावात काही दूर गेल्यावर दोघेही दिसेनासे झाले. यामुळे झाडाखाली बसलेल्या मित्रांनी आरडाओरड सुरू केली. परिसरातील खाद्यपदार्थ विक्रेत्यांनी धाव घेतली. मात्र दोघेही पाण्यात बुडाल्याचे लक्षात येताच दुकानदारांनी घटनेची माहिती सरपंच प्रमोद डाखळे यांना दिली. त्यांनी हिंगणा पोलिसांना कळविले.
त्यानंतर ठाणेदार जितेंद्र बोबडे, हवालदार नागेश दासरवार, अरविंद नाईक, संदीप येवले, संजीव तायडे घटनास्थळी दाखल झाले. रामदास मोरे व पिंटू बावने यांनी दुपारी १ वाजता दोन्ही मुलांचे मृतदेह तलावातून बाहेर काढले. नातेवाईकांना माहिती मिळताच ते घटनास्थळी दाखल झाले. मुलांचे मृतदेह पाहून त्यांचा अश्रूंचा बांध फुटला. पोलिसांनी पंचनामा करून मृतदेह उत्तरीय तपासणीसाठी पाठवले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.