Manoj Jarange News: रुग्णालयात असणाऱ्या जरांगेंना शेतकऱ्याची काळजी

राज्य सरकारने शेतकऱ्यांना सोयाबीनला प्रति क्विंटल ८५०० रुपये भाव द्यावा आणि शेतकऱ्यांची सरसकट कर्जमाफी करावी, या मागण्यांसाठी औसा (जि. लातूर) येथे शेतकरी नेते, अ.भा.छावा प्रदेशाध्यक्ष विजयकुमार घाडगे पाटील यांनी आमरण उपोषण सुरू केले आहे. मराठा आंदोलक मनोज जरांगे पाटील यांनी त्यांच्याशी फोनवर संवाद साधून त्यांची प्रकृती विचारली. काल रात्री मंत्री संजय बनसोडे यांना या उपोषणाची दखल घेण्याचे आवाहन करण्यात आले होते, ज्याची दखल घेत बनसोडे यांनी लवकरच बैठक बोलावण्याचे आश्वासन दिले आहे. त्यानंतर, मनोज जरांगे यांनीही विजयकुमार घाडगे यांना उपचार घेण्याचा सल्ला दिला.