Pune Traffic Change: सारसबाग ते डेक्कन: जरांगे पाटील यांच्या नेतृत्वाखाली पुण्यात शांतता रॅली, वाहतूक व्यवस्थेत असे असणार मोठे बदल

मराठा आंदोलक मनोज जरांगे पाटील यांच्या नेतृत्वाखाली आज पुण्यात एक शांतता रॅली आयोजित करण्यात आली आहे. ही रॅली सारसबागेतून सुरु होणार असून, तिची सांगता डेक्कन येथे होणार आहे. या रॅलीमुळे शहरातील वाहतुकीवर मोठा परिणाम होण्याची शक्यता आहे, त्यामुळे वाहतूक विभागाने काही महत्त्वाच्या मार्गांवर बदल लागू केले आहेत. अनेक रस्ते वाहतुकीसाठी बंद करण्यात आले आहेत, तर काही रस्त्यांवर वाहतूक मार्गदर्शन आणि डायव्हर्जनसाठी पोलिसांची नियुक्ती करण्यात आली आहे. नागरिकांनी या मार्गांवर जाण्यापूर्वी पर्यायी मार्गांचा विचार करावा, असा सल्ला देण्यात आला आहे.